விஜய் கட்சியில் இணைந்த மூத்த கம்யூனிஸ்ட் தலைவர்

விஜய் கட்சியில் இணைந்த மூத்த கம்யூனிஸ்ட் தலைவர்
இந்திய கம்யூனிஸ்ட் கட்சியின் (CPI) மூத்த தலைவரான சி.மகேந்திரன், தமிழக வெற்றிக் கழகத்தில் (தவெக) இன்று அதிகாரப்பூர்வமாக இணைந்துள்ளார். சென்னை பனையூரில் உள்ள தவெக தலைமை அலுவலகத்தில் நடைபெற்ற இந்நிகழ்வில், அக்கட்சியின் பொதுச் செயலாளர் புஸ்ஸி ஆனந்த் முன்னிலையில் அவர் தவெக-வில் தன்னை இணைத்துக் கொண்டார். கடந்த 1971-ஆம் ஆண்டு முதல் இந்திய கம்யூனிஸ்ட் கட்சியில் தீவிரமாகப் பயணித்து, பல்வேறு முக்கியப் பொறுப்புகளையும் மாநில அளவிலான பொறுப்புகளையும் வகித்து வந்த சி.மகேந்திரன், தற்போது தவெக-வில் இணைந்துள்ளார். இது குறித்து அவர் பேசுகையில், தனது வாழ்நாள் முழுவதும் சிந்தித்தும் ஒழிக்க முடியாமல் போன மிக முக்கியமான பிரச்சினையான ஊழலை, தற்போதைய தமிழக முதலமைச்சர் விஜய்யால் ஒழிக்க முடியும் என்ற ஒரு பெரிய நம்பிக்கை தமக்கு ஏற்பட்டுள்ளதாகவும், அதன் காரணமாகவே தான் இந்த இயக்கத்தில் இணைந்திருப்பதாகவும் நெகிழ்ச்சியுடன் தெரிவித்துள்ளார். மேலும், கட்சியில் இணைந்தாலும் தனது அடையாளமான சிவப்புத் துண்டை மாற்றாமல், அதை அணிந்து கொண்டே தவெக-விலும் தொடர்ந்து தீவிரமாகச் செயல்பட விரும்புவதாகவும் அவர் தனது பேச்சில் தீர்க்கமாகப் பதிவு செய்துள்ளார்.