கட்டா குஸ்தி2 – ஐஸ்வர்யா லட்சுமியின் இன்னொரு அசத்தல் வெற்றி!*

ஐஸ்வர்யா லட்சுமியின் அடுத்த எய்ம் விமன் சென்ரிக் படம் தான் !!

கட்டா குஸ்தி கீர்த்தியின் ஓப்பன் டாக்
கட்டா குஸ்தி2 – ஐஸ்வர்யா லட்சுமியின் இன்னொரு அசத்தல் வெற்றி!*

விஷ்ணு விஷால் ஐஸ்வர்யா லட்சுமி நடிப்பில் கட்டா குஸ்தி 2 படம் ரிலீஸ் ஆகி திரையரங்குகளில் பெரும் வரவேற்பைப் பெற்று வருகிறது. படத்தின் கதை, திரைக்கதை, நகைச்சுவை உணர்வு என பல அம்சங்கள் பேசப்பட்டாலும், இந்த வெற்றிக்கு முக்கிய காரணங்களில் ஒருவராக நடிகை ஐஸ்வர்யா லட்சுமி நிற்கிறார் என்பதை மறுக்க முடியாது. அவர் ஏற்று நடித்திருக்கும் “கீர்த்தி” என்ற கதாபாத்திரம் இல்லாமல் இந்தப் படம் முழுமையடையாது என்று சொல்லும் அளவுக்கு, அந்தக் கதாபாத்திரம் ரசிகர்கள் மனதில் இடம்பிடித்துள்ளது. கீர்த்தி என்பது வெறும் ஒரு கேரக்டர் மட்டுமல்ல, இந்த பிரான்சைஸின் மையப் புள்ளிகளில் ஒன்றாக மாறியிருக்கிறார் என்பதுதான் யதார்த்தம்.
கட்டா குஸ்தி 2 படத்தை ஐஸ்வர்யாவின் திரைப்பயணத்துடன் இணைத்துப் பார்க்கும் போது, அவர் தேர்ந்தெடுத்து வரும் கதாபாத்திரங்களின் வேறுபாடு தெரிய வரும். அம்மு, குமரி, பூங்குழலி, டாக்டர் ரேகா, இப்போது கீர்த்தி என ஒவ்வொரு கேரக்டரும் தனித்துவமானது,நினைவில் நிற்கக்கூடியது. வெவ்வேறு தன்மையுடைய பாத்திரங்களைத் தொடர்ந்து தேர்வு செய்வதன் மூலம், ஐஸ்வர்யா தன்னை ஒரு பன்முகத் திறன் கொண்ட நடிகையாக நிரூபித்து வருகிறார். வணிக ரீதியான படங்களிலும், கதைக்கு முக்கியத்துவம் கொடுக்கும் படங்களிலும் ஐஸ்வர்யா தொடர்ந்து தனது இடத்தை வலுப்படுத்தி வருகிறார். இதனால், தயாரிப்பாளர்களும் இயக்குநர்களும் அவர் மீது தொடர்ந்து நம்பிக்கை வைத்து வருவது தெளிவாகத் தெரிகிறது.கட்டா குஸ்தி2 -ன் வெற்றிக்குப் பிறகு, ஐஸ்வர்யா லட்சுமியின் அடுத்த திட்டம் பெண்களை மையமாகக் கொண்ட ஒரு படமாக அமையவுள்ளது. இது அவரது வளர்ச்சிப் பயணத்தில் ஒரு முக்கியமான அடுத்த படியாக பார்க்கப்படுகிறது. இதுவரை பல்வேறு கதாபாத்திரங்களில் தன்னை நிரூபித்த ஐஸ்வர்யா, இப்போது தனியாக ஒரு படத்தைத் தாங்கும் திறன் கொண்ட நடிகையாக வளர்ந்து வருகிறார் என்பதை இந்தத் தேர்வு உணர்த்துகிறது.
பாக்ஸ்
கமர்ஷியல் கதாநாயகி
கட்டா குஸ்தி2 -ல் கீர்த்தி என்ற கதாபாத்திரம் கதையில் எவ்வளவு முக்கியமானது என்பதை பார்வையாளர்கள் ஏற்கனவே உணர்ந்திருப்பார்கள். காதல், நகைச்சுவை, உணர்வுப்பூர்வமான தருணங்கள், சண்டைக் காட்சிகள், குடும்ப உணர்வு என அனைத்து பரிமாணங்களிலும் கீர்த்தி சிறப்பாக வடிவமைக்கப்பட்டிருக்கிறார். இதன் மூலம், சமீபத்திய தமிழ் சினிமாவின் வலுவான பெண் கதாபாத்திர ங்களில் ஒன்றாக கீர்த்தி நிலைநிறுத்தப்படுகிறார்.